و القلم و ما لایسطرون

"قلم الده سیز سیزیلدار کی بو سؤز بیانا گلمز"

مرثیه‌ی باغ

این پست به نشانی زیر انتقال یافت. برای مشاهده لطفاً کلیک نمایید:

http://valqalam.blogfa.com/post-10.aspx

همچنین از تمام دوستانی که نوشته‌های فارسی بنده را دنبال می‌کردند، دعوت می‌کنم ازین پس به نشانی زیر مراجعه فرمایند:

http://valqalam.blogfa.com/

ثابیت‌لینک | یازیلمیش یکشنبه 1388/04/07 | یازار: قلم اوجقار

دئدیلر...

دئدیلر سکینه‌‌‌‌‌‌‌‌‌مامادان آلمیشیق سنی...

ایناندیم؛

هئچ سورمادیم دا

نئچه‌یه؟!

****************

31 اردیبهشت 1388

ثابیت‌لینک | یازیلمیش پنجشنبه 1388/03/14 | یازار: قلم اوجقار |

فیکرت قوْجانین رسول رضایا یازدیغی شئعیر

عؤمور
بير اوزو گئجه
          بير اوزو گوندوزدور.
شاعير عؤمروندن
          گئجه‌لري چيخ.
شاعير گئجه‌لرينده
ايشيق اولاندا ايشيق يانير
         ايشيق اولماياندا
اؤز فيکيرلرینين ايشيغيندا
                                دولانير.
شاعير عؤمرو
         گئجه‌لي گوندوزلو اولمور.
اصيل شاعيرلر
         اونا گؤره
                    ايکي اوزلو اولمور.
نه يازسا دوزدو.
اؤز اينامينا گؤره
تنقيدلره
تعريف‌لره
رسول رضا دؤزدو.
ان چوخ اؤزونه
           بير ده شعرينه
                ارک ائله‌ين رسول رضا.

دئدي‌لر: وزني پوزدو!
او بير شعر ده يازدي...
دئدي‌لر: شعرينين بزه‌يي آزدي!
او بير شعر ده يازدي...
دئدي‌لر: دايازدي!
او بير شعر ده يازدي...
دئدي‌لر: بيز آنلاييريق
آما خالق اوچون
                     آنلاشيلمازدي!
او بير شعر ده يازدي...
يازدي
       يازدي
              يازدي

آما اؤز آراميزدي
او واخت سؤزوموزه باخسايدي
ايندي رسول رضاميز اولمازدي!

______________________________

سکوتون سسی، تهران، مهران، 1371

ثابیت‌لینک | یازیلمیش چهارشنبه 1388/02/30 | یازار: قلم اوجقار |

کیبریت آلوْوو

من، چکدیییم کیبریتی سؤندورمورم یاریمچیق
ایمکان وئریرم اوْنا آلوْولانسین سوْنادک
آلاتوْران زیندانا نور سالیر آیدین، آچیق
بیر ایلدیریم ذرّه‌سی، لاله‌لیکدن بیر لچک

یانیب گوله دؤنسه ده، بیلیر کی آرخاسینجا
گله‌جک صاباح گونش، جاهان بوْیدا لاله‌زار...
گونشین اوْد باغریندا هئچ بیر زامان سؤنمه‌ین
منیم ده کیبریتیم وار.

خلیل رضا، 1990

چیخیش ائدیر خلیل رضا، کؤچورن: اکبر رحیم‌زاد فرجی،
تبریز: اختر ــ هاشمی سودمند، 1387؛ ص 137.

ثابیت‌لینک | یازیلمیش شنبه 1388/01/29 | یازار: قلم اوجقار |

بالتا سسی

قیشدا بالتا سسی یامان اوْلور
کسیلن آغاج یالان اوْلور
یاخینداکی آغاج‌لار
تیرتیر اسیر
بلکه کیشی قورو بیر آغاجی کسیر؟
بلکه ده همین آدام مئشه‌نی قوْرویور؟
آمما اوْ بیر آغاجی کسینجه
اوْن جاوان آغاج
قوْرخوسوندان قورویور!

فیکرت قوْجا
سکوتون سسی، تهران، مهران، 1371؛ ص 24

ثابیت‌لینک | یازیلمیش دوشنبه 1388/01/10 | یازار: قلم اوجقار |